விக்ரமின் அடுத்த படத்தை இயக்கும் மகிழ்திருமேனி!

விக்ரமின் அடுத்த படத்தை இயக்குனர் மகிழ்திருமேனி இயக்க உள்ளதாக தகவல். படத்தின் அதிகாரப்பூர்வ அறிவிப்பு விரைவில் வெளியாகும் என எதிர்பார்ப்பு.

நடிகர் சியான் விக்ரமின் அடுத்த படத்தை இயக்குனர் மகிழ்திருமேனி இயக்க உள்ளதாக தகவல் வெளியாகியுள்ளது. சேதுபதி, சித்தா ஆகிய படங்களை இயக்கிய பிரபல இயக்குனர் அருண்குமார் இயக்கத்தில், விக்ரம் தனது 62-வது படமான ‘வீர தீர சூரன்’ படத்தில் நடித்துள்ளார். இந்த படம் அடுத்த ஆண்டு வெளியாக உள்ளது.

இதனிடையே நடிகர் விக்ரம் அடுத்ததாக ஆக்சன் படத்தில் நடிக்க உள்ளதாகவும், இந்த படத்தை அஜித்தின் விடாமுயற்சி படத்தை இயக்கி வரும், மகிழ்திருமேனி இயக்க உள்ளதாகவும் தகவல் வெளியாகியுள்ளது. இப்படம் குறித்த அதிகாரபூர்வ அறிவிப்புகள் விரைவில் வெளியாகும் என்று எதிர்பார்க்கப்படுகிறது.

– ‘சினி’ நந்து