சூர்யாவின் ‘கங்குவா’ திரைப்படம் வெளியாகி இரண்டு நாட்களில் 89 கோடி ரூபாய்க்கு மேல் வசூலித்துள்ளதாக படக்குழு அறிவித்துள்ளது. சிவா இயக்கத்தில் சூர்யா நடித்துள்ள கங்குவா திரைப்படம் கடந்த 14ம் தேதி உலகளவில் 11 ஆயிரத்துக்கும் மேற்பட்ட திரையரங்குகளில் வெளியானது. இந்த படம் சர்வதேச அளவில் 10க்கும் மேற்பட்ட மொழிகளில் வெளியாகி ரசிகர்கள் மத்தியில் கலவையான விமர்சனங்களை பெற்று வருகிறது.
இதனிடையே ஒவ்வொரு நாளும் படத்தின் வசூல் குறித்து படக்குழு அறிவித்து வருகிறது. அதன்படி ‘கங்குவா’ திரைப்படம் 2வது நாளில் 89 கோடிகளை தாண்டி வசூலித்துள்ளதாக படக்குழு அதிகாரப்பூர்வமாக அறிவித்துள்ளது.
– ‘சினி’ நந்து
